Qytetarët e Prishtinës shprehin shqetësim të thellë për rrezikun që po paraqesin trotinetet elektrikë, sidomos kur përdoren nga fëmijët. Ata kërkojnë ndërhyrje urgjente nga autoritetet për të parandaluar aksidentet dhe për të garantuar sigurinë në hapësirat publike. Ekspertët e komunikacionit fajësojnë prindërit për lehtësinë me të cilën u japin fëmijëve këto mjete, duke theksuar mungesën e respektimit të rregullave dhe kontrollit të ngushtë. Policia e Kosovës raporton se gjatë një periudhe njëvjeçare e gjysmë janë regjistruar 17 aksidente me fatalitet që përfshijnë mjete me dy rrota, ndërsa vazhdon të shqiptojë gjoba dhe konfiskime për shkelësit e rregullave.