Kirurgu torakal në Qendrën Klinike Universitare të Kosovës, Shqiptar Demaçi, ka bërë thirrje për kujdes pas shtimit të rasteve të plagosjeve me thika dhe brisqe gjatë sezonit veror. Vetëm në 24 orët e fundit, tre persona janë trajtuar në QKUK për plagë të shkaktuara nga armët e ftohta, përfshirë një 18-vjeçar në gjendje të rëndë me shok hemorragjik pas humbjes së 2.5 litra gjakut. Falë ndërhyrjes urgjente të ekipeve mjekësore dhe transportit me autoambulancë, gjendja e tij u stabilizua me sukses. Kirurgu paralajmëron se loja me armë të tilla dhe sjelljet agresive mund të kenë pasoja fatale dhe kërkon që të rinjtë të shmangin këto rreziqe.