Gjatë periudhës së fundit, për shkak të festave zyrtare, Qendra Klinike Universitare e Kosovës (QKUK) ka vërejtur një rritje të numrit të pacientëve që kërkojnë shërbime në ambulancat specialistike, veçanërisht në Klinikën e Onkologjisë. Pavarësisht fluksit të shtuar, stafi shëndetësor ka qenë në detyrë gjatë gjithë kohës dhe ka punuar me përkushtim maksimal për të ofruar shërbime profesionale. Të gjithë pacientët janë trajtuar sipas protokolleve klinike në fuqi dhe asnjë nuk është kthyer pa marrë shërbimin e nevojshëm. QKUK kërkon mirëkuptim nga qytetarët për pritjet më të gjata që mund të ndodhin pas periudhave festive, duke siguruar se shërbimet shëndetësore do të vazhdojnë të ofrohen në mënyrë profesionale dhe të pandërprerë.