Ministria e Punëve të Brendshme e Kosovës ka raportuar një rritje prej mbi 80% të rasteve të raportuara për përdorimin e armëve gjatë ahengjeve dhe festave familjare në rajonin e Prishtinës, sipas të dhënave zyrtare të Policisë së Kosovës për muajt qershor dhe korrik 2026. Në një takim të zhvilluar me anëtarët e forumeve të sigurisë dhe përfaqësues të institucioneve të ndryshme, zëvendësministri Enver Dugolli theksoi nevojën për një angazhim të përbashkët mes institucioneve, shoqërisë civile, mediave dhe qytetarëve për të parandaluar përdorimin e paligjshëm të armëve dhe pasojat e rënda që mund të sjellë ky fenomen.