Nga 16 prilli deri më 13 korrik 2026, në Kosovë janë konfirmuar 63 raste me fruth, me një rritje prej 11 rasteve vetëm gjatë javës së fundit. Komuna me numrin më të madh të infeksioneve është Prishtina me 19 raste, e ndjekur nga Ferizaj, Fushë Kosova dhe Kaçaniku. IKShPK ka bërë thirrje që personat me simptoma të dyshimta të fruthit të paraqiten menjëherë në institucionet shëndetësore për diagnozë dhe trajtim. Për shkak të infektueshmërisë së lartë, instituti nxit prindërit dhe kujdestarët të verifikojnë dhe plotësojnë vaksinimin e fëmijëve sipas kalendarit të imunizimit, duke theksuar se vaksinimi mbetet masa më efektive për parandalimin e përhapjes së fruthit dhe mbrojtjen e shëndetit publik.