Në javët e fundit, Qendrat Kryesore të Mjekësive Familjare në Prishtinë kanë regjistruar një rritje të numrit të pacientëve me simptoma si vjellje, diarre, kokëdhimbje dhe temperaturë. Doktoresha Endrita Tori thekson se kjo situatë lidhet me periudhën e verës, e cila zakonisht sjell një shtim të rasteve të gasteritit akut. Infeksioni prek të gjitha grupmoshat, por shqetësimi më i madh është për fëmijët, të moshuarit dhe personat me sëmundje kronike, për shkak të rrezikut të dehidrimit. Nga Klinika Infektive nuk ka pasur përgjigje nëse ka pacientë të shtruar për trajtim nga ky virus, ndërsa mjekët rekomandojnë kujdes të shtuar për të parandaluar komplikimet.