Autoritetet europiane kanë goditur një rrjet kriminal që operonte në 15 shtete të Europës, duke shitur ilaçe dhe suplemente false për sëmundje të rënda. Ky grup dyshohet se ka përfituar të paktën 240 milionë euro duke mashtruar pacientët me produkte të paautorizuara dhe duke përdorur faqe interneti dhe profile false në rrjetet sociale. Operacioni i zhvilluar më 12 maj përfshiu kontrolle në 113 ambiente në vende si Bullgaria, Greqia, Hungaria, Polonia, Rumani dhe Moldavia, si dhe sekuestrimin e sasive të mëdha të suplementeve dhe bllokimin e pasurive me vlerë 1.8 milionë euro në Poloni. Hetimet zbuluan se grupi përdorte operatorë që paraqiteshin si mjekë për të bindur pacientët, ndërsa suplementet e tyre nuk kishin asnjë efekt të vërtetë shëndetësor.