Një mega-operacion ndërkombëtar ka zbuluar një rrjet kriminal që përfshin Ekuadorin, Spanjën dhe Dubain, me dyshime për përfshirjen e një grupi me origjinë shqiptare. Në qendër të hetimit janë dy vëllezër biznesmenë nga Arnedo, La Rioja, të cilët administronin kompani të ndryshme si transporti, importi i ushqimeve dhe shërbime portuale, të dyshuara si mbulesë për trafikimin e kokainës. Gjatë kontrollit në banesën e njërit prej tyre u sekuestruan rreth 1 milionë euro cash të fshehura në kuti këpucësh, ndërsa në kuadër të operacionit “Mondragón” u kapën mbi 21 tonë kokainë në Ekuador, Brazil dhe Spanjë, dhe u arrestuan 44 persona. Hetuesit thonë se droga nisej nga Ekuadori, Spanja ishte porta hyrëse në Evropë, ndërsa Dubai ishte baza financiare ku investitorë shqiptarë dyshohen se maskonin aktivitetin kriminal me para të pista.