Safet Blakaj, drejtori i Institutit “Labyrinth”, ka sqaruar kohëzgjatjen e largimit të drogës nga organizmi, duke theksuar se kjo zakonisht zgjat nga shtatë deri në dhjetë ditë, varësisht nga frekuenca dhe sasia e përdorimit. Ai ka bërë dallimin mes përdoruesve rastësorë dhe atyre problematikë, duke përmendur se përdorues problematik është ai që konsumon drogë tre herë e më shumë në javë. Blakaj ka shpjeguar edhe llojet e testeve të narkotikëve, ku testet me gjak dhe pështymë zbulojnë përdorimin deri në dy ditë, ndërsa testet me urinë deri në gjashtë ditë. Ai ka theksuar se nuk ekziston ndonjë mënyrë e thjeshtë për të përshpejtuar pastrimin nga droga, përveç metodës mjekësore “rapid detox” që kryhet vetëm në kushte spitalore.