Gjykata Themelore në Prishtinë, Departamenti Special, ka caktuar seancën e shqyrtimit fillestar më 15 shtator 2026, ndaj 55 personave të akuzuar për krime lufte kundër popullsisë civile gjatë konfliktit në Kosovë. Aktakuza, e ngritur nga Prokuroria Speciale e Republikës së Kosovës në dhjetor 2024, përfshin emrat e të pandehurve që deri tani kanë qenë të paarritshëm dhe ndaj të cilëve gjykimi do të zhvillohet në mungesë. Gjykata i ka bërë thirrje të akuzuarve që të paraqiten dhe dorëzohen, si dhe ka kërkuar nga qytetarët që të japin informacione për vendndodhjen e tyre pranë Policisë së Kosovës apo organeve kompetente. Seanca do të mbahet në Pallatin e Drejtësisë në Hajvali dhe do të udhëhiqet nga kryetarja e trupit gjykues, Violeta Namani-Hajra, ndërsa gjykata do të vazhdojë të informojë publikun për zhvillimet e mëtejshme.