Sot në Gjykatën e Posaçme për Krimet e Rënda po zhvillohet një seancë kyçe në procesin ndaj Ilir Metës dhe Monika Kryemadhit, të akuzuar për korrupsion, pastrim parash dhe fshehje pasurie. Të dy janë të pranishëm në sallë, ndërsa Meta ka zgjedhur të përfaqësohet nga avokati Bujar Musta, pas shkarkimit të avokatit të mëparshëm. Gjatë seancës, Meta ka deklaruar se nuk i janë vënë në dispozicion të gjitha aktet, duke kërkuar që procesi të zhvillohet më shpejt, por gjykata ka theksuar se dokumentet janë gati prej kohësh. Avokati mbrojtës i Metës ka refuzuar të marrë aktet, duke krijuar tension në zhvillimin e gjyqit.