Ka nisur seanca e rigjykimit ndaj Ekrem Bajroviç, i akuzuar për krime lufte gjatë viteve 1998-1999 në Komunën e Istogut dhe fshatrat përreth. Sipas aktakuzës së Prokurorisë Speciale të Kosovës, Bajroviç, si pjesëtar i forcave policore dhe ushtarake serbe, akuzohet për vrasje, tortura, maltretim dhe shkatërrim të pronave të shqiptarëve. Gjykata Themelore në Prishtinë e kishte dënuar më parë me 12 vjet burg, por rasti u kthye në rigjykim nga Gjykata Supreme pas kërkesës së mbrojtjes. Në seancën e sotme po dëshmon dëshmitari Naim Elshani, ndërsa procesi vijon me shqyrtimin e provave dhe argumenteve të palëve.