Nesër në orën 09:30 në Gjykatën Themelore të Prizrenit do të mbahet seanca gjyqësore lidhur me vrasjen e 26-vjeçarit Auron Thaqi, i cili u vra në shtator të vitit 2024 pas një therjeje me thikë. Auroni u plagos rëndë dhe ndërroi jetë në Qendrën Klinike Universitare të Kosovës, ndërsa dyshohet se pas sulmit ai u hodh nga një veturë në lëvizje. Në lidhje me këtë rast janë arrestuar dy persona, Enes Ay dhe Hajrullah Brcani, të cilët po hetohen për veprat penale që lidhen me lëndimin e rëndë trupor dhe mosdhënien e ndihmës. Familja e viktimës kërkon drejtësi një vit pas ngjarjes, ndërsa seanca e nesërme pritet të sjellë zhvillime të rëndësishme në këtë çështje.