Seanca fillestare në Gjykatën Themelore në Prishtinë ndaj gjashtë të akuzuarve për ngritjen e barrikadave në veri të Kosovës në dhjetor të vitit 2022 nuk u mbajt për shkak të mungesës së avokatit mbrojtës Mahmut Halimi dhe mungesës së disa të akuzuarve, përfshirë Nenad Orloviç, i cili dyshohet se është shpërngulur në Serbi. Gjyqtari Rrahman Beqiri njoftoi se për shkak të mungesës së avokatit dhe të akuzuarve, kushtet ligjore për mbajtjen e seancës nuk u plotësuan dhe seanca u shty. Prokuroria Speciale ka ngritur aktakuzë ndaj gjashtë personave për pengimin e institucioneve të Kosovës në komunat veriore, duke përdorur forcë dhe duke bllokuar rrugët me mjete të rënda, si dhe për gatishmërinë për sulm ndaj zyrtarëve policorë. Ngjarjet lidhen me tensionet e dhjetorit 2022, kur pas arrestimit të ish-pjesëtarit të Policisë së Kosovës, Dejan Pantiq, serbët lokalë ngritën barrikada që u hoqën më 29 dhjetor pas ndryshimit të masës së sigurisë ndaj tij.