Në Gjykatën Themelore në Ferizaj ka nisur shqyrtimi gjyqësor ndaj gjashtë të pandehurve, të cilët akuzohen për vrasjen e rëndë të rreshterit Muhamet Lika më 1 prill 2025 në Kaçanik. Ata dyshohen se në bashkëpunim me një mitur kanë privuar nga jeta policin dhe gjithashtu për dhënien e ndihmës kryerësve. Gjatë seancës së fundit, të pandehurit janë deklaruar të pafajshëm, ndërsa janë dëgjuar dy dëshmitarë. Procesi gjyqësor do të vazhdojë më 16 shtator, kur pritet të zhvillohen seanca të reja.