Policia e Kosovës zhvilloi një aksion në Zubin Potok, ku në dy lokacione të ndryshme u zbuluan dhe sekuestruan armë dhe pajisje të dyshuara ilegale. Në fshatin Luca Reka, në një shtëpi të pabanuar u gjetën një armë gjysmë automatike me bajonetë, fishekë të kalibrave të ndryshëm, uniforma dhe një logo e shtetit serb. Në fshatin Paljevë, në një tjetër shtëpi të pabanuar u sekuestrua një arsenal i konsiderueshëm armësh, përfshirë një zollë, armë AK-47, granata dore, trombllona, karikatorë dhe bajoneta. Në vendngjarje intervenuan njësitë për deminim, ndërsa autoritetet po vazhdojnë hetimet për këto raste.