Një operacion i përbashkët i policisë dhe doganës në portin e Hamburgut ka çuar në sekuestrimin e rreth 1.5 tonë metamfetaminë, e fshehur mes mijëra thasëve me oriz të importuar nga Pakistani. Droga, e njohur si Crystal Meth, u zbulua gjatë kontrollit me rreze X të një kontejneri, pasi ngriti dyshime hetuesit që kishin vënë nën vëzhgim disa ngarkesa të ardhura nga Pakistani. Vlera e drogës së sekuestruar arrin në rreth 28.5 milionë euro, duke e bërë këtë një nga goditjet më të mëdha ndaj trafikut të metamfetaminës në portin gjerman. Autoritetet ende nuk kanë zbuluar personat përgjegjës apo destinacionin përfundimtar të ngarkesës, ndërsa prokuroria thekson se nuk ka të dhëna që droga të ishte për tregun lokal të Hamburgut.