Në pikën kufitare Tabanoc, një ekip doganor mobil ka parandaluar një tentativë kontrabande duke sekuestruar 312 puro me vlerë rreth katër mijë euro. Purot u gjetën gjatë një kontrolli të detajuar në një autobus që po hynte në vend, nën sediljet dhe në një zgavër fabrike. Kundër shoferit të autobusit, shtetas i RMV-së, është ngritur kallëzim penal për veprën penale kontrabandë në Prokurorinë Publike të Kumanovës. Drejtoria e Doganave thekson se do të vazhdojë kontrollet intensive për të parandaluar tregtinë e paligjshme të produkteve të akcizës dhe për të mbrojtur interesat financiare të shtetit dhe shëndetin e qytetarëve.