Policia e Kosovës, përmes Drejtorisë për Hetimin e Trafikimit me Narkotik, ka arrestuar një person të dyshuar me inicialet L.I. në rajonin e Ferizajt gjatë trajtimit të një rasti të dhunës në familje, ku dyshohej për posedim të substancave narkotike. Me urdhër të Gjykatës dhe në prezencë të një dëshmitari, është kontrolluar prona e të dyshuarit, ku janë gjetur dhe konfiskuar substanca narkotike si marihuanë (86.7 gr), kokainë (4.7 gr), marihuanë në formë çokollate (40.2 gr), një pistoletë me gaz me një karikator dhe 6 fishekë, 400 euro në para të gatshme, dy telefona mobil, një pako me letra për mbështjellje të narkotikëve dhe një peshore digjitale.