Në një operacion të përbashkët të Doganës së Durrësit dhe Policisë së Shtetit, gjatë kontrolleve të makinave që vinin nga Italia në Portin e Durrësit, u bllokua një sasi e konsiderueshme lënde narkotike e dyshuar si kokainë dhe katër gurë të çmuar të dyshuar si diamante. Në një automjet të mbërritur me tragetin Ankona–Durrës u gjet një valixhe që përmbante një aparaturë elektronike për detektimin e metaleve të çmuara dhe aksesorë të ndryshëm. Një tjetër kontroll fizik i udhëtarëve zbuloi katër paketime transparente me gurë që ngjanin me diamante, ndërsa në një automjet tjetër u gjet kokainë e fshehur në veshjen e drejtuesit. Të gjitha rastet janë referuar për veprime të mëtejshme hetimore nga strukturat kompetente.