Policia në Shtërpcë ka zbuluar dhe sekuestruar mbi një kilogram marihuanë në vilat e Brezovicës, pas një ankese për substancë të dyshuar narkotike në një vilë të pabanuar. Gjatë kontrollit u arrestua Noris Berisha, 27 vjeç, teksa në posedim të tij u gjetën substanca narkotike dhe dy peshore digjitale. Kontrolli u zgjerua edhe në një vilë tjetër të familjarit të tij, ku u gjetën sasi të tjera të shpërndara të marihuanës, duke bërë që të sekuestrohen në total 1 kilogram e 63 gramë drogë. Rasti po hetohet nga Departamenti i Krimeve të Rënda në Ferizaj, ndërsa ndaj të dyshuarit është caktuar ndalim 48 orësh për veprën penale të lidhur me posedimin dhe shpërndarjen e narkotikëve.