Një aksion i përbashkët i Policisë së Kosovës dhe Doganës ka zbuluar një rast të kontrabandës së mallrave, duke çuar në sekuestrimin e një sasie të madhe produktesh. Njësia e Task-Forcës, përbërë nga Drejtoria Rajonale Kufitare Jugu dhe Njësia Anti-kontrabandë e Doganës, pas pranimit të informatave relevante, identifikoi një lokacion që shërbente si pikë grumbulluese e mallrave kontrabandë. Kontrolli në këtë lokacion u krye me urdhër të Prokurorit të Shtetit në Gjilan, ku u gjetën dhe sekuestruan 27 mijë filtra të ndryshëm, 91 kilogramë duhan të përpunuar dhe 700 poçe elektrike 100W. Të gjitha mallrat e sekuestruara iu dorëzuan Doganës së Kosovës, ndërsa rasti po trajtohet sipas procedurave ligjore në fuqi.