Policia e Tiranës ka finalizuar operacionin e koduar “De facto”, duke sekuestruar dy apartamente dhe një garazh me vlerë rreth 420,000 euro, të cilat dyshohet se janë përfituar nga trafikimi i lëndëve narkotike. Hetimi është kryer me metoda speciale dhe në bashkëpunim me Prokurorinë, në kuadër të ligjit për parandalimin dhe goditjen e krimit të organizuar dhe pastrimit të parave. Pasuritë i përkasin shtetasit H(A). A., 54 vjeç, ndërsa hetimet vijojnë për të gjurmuar dhe sekuestruar pasuri të tjera me burime kriminale, si të tijat ashtu edhe të lidhurve me të. Materialet procedurale janë referuar Prokurorisë së Tiranës për veprime të mëtejshme.