Sëmundjet e mëlçisë, veçanërisht mëlçia yndyrore, shpesh janë të vështira për t’u zbuluar në fazat e hershme pasi nuk japin simptoma të dukshme. Megjithatë, ekspertët paralajmërojnë se disa ndryshime në fytyrë, si lëkura e verdhë, zverdhja e syve, skuqja e lëkurës, rosacea dhe kapilarët e dukshëm, mund të jenë shenja të një problemi serioz me mëlçinë. Një në tre të rritur jeton me mëlçi të dhjamosur, një gjendje që rrit rrezikun për sëmundje kardiovaskulare, kancer dhe diabet të tipit 2. Faktorët kryesorë që shkaktojnë mëlçinë yndyrore janë dieta jo e shëndetshme, mbipesha, diabeti, humbja e shpejtë në peshë, disa sëmundje dhe përdorimi i disa ilaçeve, ndërsa njohja dhe trajtimi në kohë mund të parandalojnë komplikime serioze.