Spitali i Përgjithshëm “Dr. Sami Haxhibeqiri” në Mitrovicë ka njoftuar se pacientët me diagnozë të konfirmuar të kancerit do të kenë qasje pa pritje në shërbime diagnostike dhe mjekësore. Kjo përfshin ekzaminime si Tomografia e Kompjuterizuar, Rentgeni, Eho-t dhe analizat laboratorike, si dhe shërbime kirurgjike dhe internistike në të gjitha profilet e spitalit. Qëllimi i kësaj mase është përshpejtimi dhe efikasiteti në diagnostikimin dhe trajtimin e sëmundjeve malinje. Pacientët duhet të paraqesin dokument mjekësor që vërteton diagnozën për të përfituar nga këto shërbime pa pritje.