Qendra shëndetësore në Bogë të Rugovës po funksionon vetëm gjatë fundjavës, pasi është bërë një rishikim kolegjial nga Qendra Kryesore e Mjekësisë Familjare, duke u bazuar në resurset në dispozicion. Drejtori i Shëndetësisë në Pejë, Petrit Loci, ka sqaruar se kjo nuk përbën mbyllje të qendrës, pasi gjatë ditëve të javës shërbimet urgjente mbulohen nga urgjenca kryesore qendrore. Për të përballuar rritjen e numrit të pacientëve, sidomos pas ardhjes së bashkatdhetarëve, është hapur ndërrimi i natës në Qendrën e Mjekësisë Familjare 5 në Fidanishte, që funksionon nga ora 19:00 deri në 24:00. Gjatë fundjavës, qendra në Bogë punon nga ora 8:00 deri në 17:00, ndërsa për çdo rast urgjent në territorin e Pejës është në dispozicion numri 194.