Gjatë periudhës janar-qershor 2026, Qendra Kryesore e Mjekësisë Familjare “Nënë Tereza” në Klinë ka ofruar shërbime stomatologjike për rreth 2,000 pacientë. Në këtë periudhë janë realizuar 336 trajtime të dhëmbëve, 300 mbushje direkte me kompozit dhe 471 ekstraksione të dhëmbëve, si dhe trajtime të tjera të specializuara si heqja e penjeve dhe trajtimi i alveolitit. Përveç trajtimeve, ekipi i QKMF-së ka zhvilluar vizita edukative me nxënës të klasave parashkollore dhe fillore për promovimin e shëndetit oral që në moshë të hershme. Kjo tregon përkushtimin e institucionit jo vetëm në trajtimin e problemeve stomatologjike, por edhe në parandalimin dhe edukimin e komunitetit lokal.