Mbrëmjen e së premtes në Korçë, një konflikt i çastit brenda familjes për motive të dobëta përfundoi me plagosjen e një 18-vjeçari. I riu u dërgua në spital me plagë në kokë nga një mjet prerës, ndërsa autori i dyshuar, njerku i tij 37-vjeçar, u largua nga vendi i ngjarjes. Falë reagimit të shpejtë të policisë, 37-vjeçari u lokalizua dhe u arrestua për veprime të mëtejshme procedurale. Hetimet nën drejtimin e Prokurorisë vazhdojnë për zbardhjen e plotë të rrethanave të kësaj ngjarjeje të rëndë.