Një sherr masiv me thika ka ndodhur në orët e vona të së dielës pranë plazhit në Durrës, ku tre të rinj janë plagosur. Dy prej tyre kanë marrë plagë të shumta dhe janë dërguar në spital, ndërsa i treti ka pësuar lëndime të lehta dhe nuk ka kërkuar ndihmë mjekësore. Autorët e dyshuar për plagosjen janë një 19-vjeçar dhe një 15-vjeçar, të cilët janë në kërkim nga policia. Hetimet për zbardhjen e plotë të ngjarjes dhe kapjen e përgjegjësve vazhdojnë nga shërbimet e rendit.