Një sherr mes dy shitësve të biletave për anijet turistike në Portin e Vlorës u përshkallëzua në një ngjarje të dhunshme, ku Edmond Gorishova plagosi me thikë Dhimo Thominin. I plagosuri u dërgua në spital dhe u konstatuan plagë të lehta, jashtë rrezikut për jetën. Konflikti dyshohet të ketë nisur për shkak të konkurrencës në shitjen e biletave për turet turistike në zonën e Skelës. Policia ka arrestuar autorin dhe po vijon hetimet për zbardhjen e plotë të rrethanave të ngjarjes.