Një 24-vjeçar shqiptar, N. Dalipaj, humbi jetën pas një sulmi me thikë në Vescovato, provinca e Cremonës në Itali. Ngjarja ndodhi mbrëmjen e së dielës, kur një konflikt për motive xhelozie lidhur me një vajzë u përshkallëzua në dhunë. Fillimisht pati një debat në një lokal mes viktimës dhe të dyshuarit 32-vjeçar Mattia Miraglia, i cili më pas u kthye në një përleshje fatale pranë banesës së tij. Pas sulmit, ku u plagosën edhe vëllezërit e viktimës, N. Dalipaj u dërgua në spital në gjendje të rëndë, por nuk arriti të mbijetojë.