Më 25 gusht në rrugën “Zahide Jashari” në Prishtinë, një konflikt për një vendparking ka eskaluar në përdorimin e armës së zjarrit dhe sulm fizik. Viktima, një 37-vjeçar me inicialet A.B., është sulmuar nga dy persona, ku njëri prej tyre, Adnan Murtezi, dyshohet se ka shtënë me armë drejt tij, por pa e goditur. Pas të shtënës, i dyshuari e ka goditur viktimën me pjesën e pasme të armës, duke i shkaktuar lëndime trupore për të cilat ka marrë trajtim mjekësor. Policia ka kryer kontrolle në shtëpitë e të dyshuarve, por nuk ka gjetur as armën, as gëzhojat, ndërsa personi që dyshohet për përdorimin e armës është larguar dhe vazhdon të jetë në arrati. Hetimet vazhdojnë nën mbikëqyrjen e Prokurorit kujdestar, ndërsa një tjetër i dyshuar është liruar në procedurë të rregullt.