Aktori Shia LaBeouf është përballur me akuza zyrtare pas një përleshjeje fizike në një bar në Lagjen Franceze të New Orleans gjatë festimeve të Mardi Gras, ngjarje kjo që ndodhi tre muaj më parë. Ai u arrestua më 17 shkurt dhe fillimisht u lirua me kusht, por më pas gjykata vendosi një garanci prej 100 mijë dollarësh për shkak të përdorimit të fyerjeve homofobike gjatë incidentit. LaBeouf është i detyruar të nënshtrohet testeve të rregullta për drogë dhe alkool dhe të vazhdojë trajtimin në rehabilitim për të shmangur burgun. Në një intervistë pas arrestimit, aktori pranoi përdorimin e fjalëve të papranueshme dhe foli hapur për gjendjen e tij mendore dhe ndarjen nga ish-bashkëshortja Mia Goth, duke pranuar se kishte dështuar në martesë.