Stambolli u përball sot me reshje të dendura shiu që goditën zonat e Şila, Sultanbeyli, Maltepe dhe ishujt në anën anatoliane të qytetit, duke shkaktuar vështirësi në trafikun rrugor. Si pasojë e kushteve të këqija, dy aksidente zinxhir ndodhën në Esenjurt dhe Uskudar, ku u përfshinë përkatësisht 11 dhe 3 automjete. Në këto ngjarje u plagosën gjithsej 10 persona, të cilëve u dha ndihma e parë në vendngjarje dhe më pas u transportuan në spitalet përkatëse. Policia, zjarrfikësit dhe shërbimet mjekësore reaguan menjëherë për të menaxhuar situatën, ndërsa aksidente të tjera me dëme materiale u regjistruan në pjesë të ndryshme të qytetit.