Pas protestës së dhunshme të opozitës në Tiranë, ka ndodhur një valë shkarkimesh në Policinë e Shtetit. Pas largimit të kryepolicit Ilir Proda, është shkarkuar edhe drejtori i Policisë së Tiranës, Elton Alushi, i cili mbante këtë detyrë që nga nëntori i vitit 2024. Arsyeja e shkarkimit është dështimi në garantimin e rendit dhe sigurisë gjatë tubimit të opozitës, ku u evidentua mungesa e sigurisë për qytetarët dhe shtetasit e huaj. Më 7 mars 2025, Alushi ishte thirrur në Prokurorinë e Posaçme (SPAK), por nuk dha deklarata për mediat pas daljes nga godina e saj.