Një operacion antidrogë në San Donà di Piave, pranë Venecias, çoi në arrestimin e tre personave shqiptarë, mes tyre edhe një grua, të dyshuar për shpërndarje të kokainës. Policia monitoroi për një kohë të gjatë një apartament në Via Vizzotto, ku vëzhgoi hyrje-dalje të shpejta dhe të shpeshta, që tregonin aktivitet të organizuar të trafikut të drogës. Gjatë një ndërhyrjeje në flagrancë, u kapën 70 gramë kokainë me pastërti 98% dhe rreth 2,200 euro cash, ndërsa dyshimet janë se rrjeti gjeneronte deri në 5,000 euro në ditë. I arrestuari kryesor, një shtetas shqiptar në të 40-at, u dërgua në burgun e Venecias, ndërsa hetimet për përfshirjen e personave të tjerë vazhdojnë.