Kompania Rajonale e Ujësjellësit “Prishtina” ka nisur një aksion shkyçjesh nga sistemi i furnizimit me ujë për konsumatorët që nuk kanë paguar borxhet e tyre. Aktualisht, ndërhyrjet po realizohen në rrugën “Asllan Pireva” në Prishtinë, ndërsa kompania thekson se kjo masë është marrë pas njoftimeve dhe afateve të përsëritura që nuk janë respektuar. KRU “Prishtina” apelon që konsumatorët me detyrime të papaguara të kryejnë pagesat për të shmangur shkyçjet dhe kostot shtesë që vijnë nga procedurat e rikyçjes. Në njoftim theksohet rëndësia e ujit si shërbim jetik dhe përgjegjësia e çdo konsumatori për pagesën në kohë.