KRU “Hidromorava” në Gjilan ka intensifikuar shkyçjet nga rrjeti të konsumatorëve që kanë dy ose më shumë fatura të papaguara. Ky aksion po zhvillohet me mbështetjen e Policisë së Kosovës dhe synon të detyrojë pagesën e borxheve të ujit. Konsumatorët e prekur janë paralajmëruar të rregullojnë obligimet e tyre, duke paguar borxhin ose duke nënshkruar marrëveshje për riprogramim, për të shmangur shkyçjen dhe procedurat përmbarimore. Kompania ka bërë thirrje që pagesa e ujit është një detyrim ligjor dhe mosrregullimi i saj sjell pasoja të drejtpërdrejta.