Një shtetas serb, 60 vjeç, është arrestuar nga policia e Maqedonisë së Veriut pasi voziti me shpejtësi prej 221 km/h në autostradën Shkup – Gjevgjeli, në një zonë ku kufizimi është 120 km/h. Incidenti ndodhi pranë fshatit Miletkovë, ku radari regjistroi tejkalimin e shpejtësisë me 101 km/h mbi limitin e lejuar. Pas ndalimit, automjeti BMW me targa serbe u sekuestrua, ndërsa shoferi u shoqërua në stacionin policor për procedura të mëtejshme. Autoritetet theksuan rëndësinë e respektimit të kufizimeve për sigurinë në rrugë dhe paralajmëruan masa të rrepta për shkelësit.