Një shofer 48-vjeçar në Francën jugperëndimore ra me makinën e tij në një greminë 300 metra të thellë dhe mbeti i bllokuar për pesë ditë. Ai u gjet nga një grup gjuetarësh që po kërkonin derra të egër në zonën Ardèche, të shtunën më 21 shkurt, dhe ishte i vetëdijshëm, por shumë i dobët. Pas njoftimit, zjarrfikësit dhe 12 shpëtimtarë arritën ta nxjerrin nga makina pas disa orësh përpjekjesh dhe e dërguan në spitalin në Lyon. Megjithë plagët e rënda nga rënia, 48-vjeçari është jashtë rrezikut për jetën dhe ishte raportuar i zhdukur nga policia në rajonin Allier ku jeton.