Një shofer i punësuar pranë Shërbimit për Çështje të Përgjithshme dhe të Përbashkëta pranë Qeverisë së Maqedonisë së Veriut është arrestuar për dyshimin e pranimit të ryshfetit prej 1,500 eurosh. Ai dyshohet se ka kërkuar këtë shumë nga një qytetar për të ndërmjetësuar punësimin e tij në konkursin për zjarrfikës në Shkup, duke shfrytëzuar ndikimin e tij të pretenduar. Pas denoncimit të qytetarit, autoritetet e hetuesisë dhe prokuroria kanë ndërmarrë veprime dhe e kanë kapur në flagrancë gjatë dorëzimit të 500 eurove të shënuara paraprakisht.