Një shofer në Malishevë është identifikuar dhe ndëshkuar nga policia pas publikimit të një videoje ku ai kryente një veprim të rrezikshëm në komunikacion. Ngasësi kishte bërë një nisje me shpejtësi të madhe në rrugën “Ibrahim Mazreku”, duke shkaktuar rrëshqitje dhe rrotullim të rrotave, si dhe zhurmë të panevojshme. Pas reagimit të menjëhershëm të Stacionit Policor në Malishevë, shoferi është gjobitur me 150 euro dhe i është shqiptuar një pikë negative në patentë. Policia ka paralajmëruar se do të vazhdojë të marrë masa ligjore ndaj të gjithë atyre që rrezikojnë sigurinë në trafik me veprime të tilla.