Një operacion i gjerë antidrogë në Stamboll ka tronditur industrinë e showbiz-it turk, ku Prokuroria Publike e Bakırköy-it ka lëshuar urdhër-arresti për 25 persona, përfshirë emra të njohur si aktorja Serenay Sarıkaya, këngëtari Mabel Matiz dhe artisti Berkay Şahin. Hetimet lidhen me rrjete trafiku të kokainës, përfshirjen në përdorimin dhe lehtësimin e konsumit të drogës, si dhe dyshime për laboratorë droge në disa zona të qytetit. Autoritetet kanë kryer kontrolle në banesa dhe kanë marrë deklarata, ndërsa Serenay Sarıkaya, e cila ndodhej jashtë vendit gjatë operacionit, ka deklaruar se do të kthehet për të përballuar drejtësinë dhe është e qetë për situatën. Ky rast ka shkaktuar reagime të shumta në mediat turke dhe rrjetet sociale, ndërsa hetimet pritet të vazhdojnë në ditët në vijim.