Të premten më 24 prill në Gjykatën Themelore në Prishtinë do të shpallet aktgjykimi ndaj tre të akuzuarve për sulmin e armatosur në Banjskë më 24 shtator 2023. Tre të akuzuarit, Blagoje Spasojeviq, Vladimir Toliq dhe Dushan Maksimoviq, mohojnë akuzat për terrorizëm dhe pretendojnë se nuk kishin qëllim vrasjen apo bashkimin e veriut të Kosovës me Serbinë. Sulmi kishte rezultuar me vrasjen e një rreshteri policor dhe tre sulmuesve serbë, ndërsa përgjegjësinë e ka marrë Millan Radoiçiq, ish-nënkryetar i Listës Serbe, i cili dhe 41 të tjerë janë në arrati dhe akuzohen për terrorizëm dhe vepra të rënda kundër rendit kushtetues të Kosovës. Gjykata hodhi poshtë kërkesën për gjykim në mungesë ndaj tyre, duke e konsideruar të pabazuar.