Më 27 shkurt, në një operacion në kufirin e Kakavijës, policia gjeti 350 kilogramë Cannabis Sativa të fshehura në një kamion me dopjo shasi, i cili po trafikonte drogën drejt Greqisë. Drejtuesi i kamionit, E.Q., u arrestua menjëherë, ndërsa pronari i mjetit, N.S., 43 vjeç nga Tirana, u shpall në kërkim për bashkëpunim në trafikimin e lëndës narkotike. Operacioni u zhvillua në kuadër të hetimeve të koduara “Risku” nga specialistët për Hetimin e Narkotikëve. Policia vijon punën për kapjen e N.S., ndërsa hetimet për këtë rrjet trafikimi janë ende në zhvillim.