Një shpërthim i fuqishëm ndodhi mbrëmjen e së dielës në një lokal në lagjen Besëlidhja, në qendër të Lezhës, rreth 100 metra larg Drejtorisë së Policisë. Si pasojë e shpërthimit u dëmtuan disa biznese që ndodheshin në katin e parë të një pallati pesëkatësh, si dhe disa makina në afërsi. Dyshohet se shkak i shpërthimit mund të ketë qenë një bombol gazi, megjithëse policia vazhdon hetimet për të sqaruar plotësisht ngjarjen. Forcat e rendit ndodhen në vendngjarje dhe po punojnë për zbardhjen e situatës dhe sigurimin e zonës.