Mbrëmjen e të mërkurës në zonën e Zogut të Zi në Tiranë u dëgjua një shpërthim i fortë, kur një makinë mori flakë gjatë lëvizjes në rrugën “Dritan Hoxha”. Automjeti, që i përkiste një 61-vjeçari, dyshohet të ketë pësuar një defekt teknik, megjithëse shkaqet e sakta ende nuk janë konfirmuar. Fatmirësisht, nuk ka pasur persona të lënduar, ndërsa janë shkaktuar vetëm dëme materiale. Policia ka nisur hetimet për të sqaruar rrethanat e ngjarjes dhe po punon për dokumentimin e plotë të saj.