Në orët e para të mëngjesit në zonën e Mjull-Bathores, në rrugën “Haki Husha”, një sasi e vogël lënde plasëse shpërtheu në portën e jashtme të banesës së shtetasit D.S. Ngjarja shkaktoi vetëm dëme materiale, pa persona të lënduar. Policia dhe grupi hetimor mbërritën menjëherë në vendngjarje dhe po punojnë intensivisht për të sqaruar rrethanat dhe për të identifikuar autorin e shpërthimit. Deri tani nuk ka informacione për të arrestuar, ndërsa hetimet vazhdojnë për të zbuluar motivet dhe përgjegjësit e ngjarjes.