Një banesë në fshatin Rrëmbec të bashkisë Maliq u përfshi nga flakët pas shpërthimit të dy bombolave të gazit që përdorej për gatim. Fatmirësisht, familjarët që ndodheshin brenda arritën të largoheshin në kohë dhe nuk pësuan lëndime. Forcat zjarrfikëse të bashkisë ndërhynë shpejt, duke izoluar zjarrin dhe parandaluar përhapjen e tij në shtëpitë përreth. Policia ka nisur hetimet për të zbardhur shkaqet dhe rrethanat e incidentit, ndërsa banorët mbeten të alarmuar nga ngjarja.