Mbrëmjen e së martës në Velipojë, rreth orës 19:00, tubi i gazit i një mjeti lundrues shpërtheu aksidentalisht në momentin që 39-vjeçari E.N. po zbriste nga karroceria e automjetit transportues. Si pasojë, ai pësoi djegie në trup dhe u dërgua fillimisht në Spitalin Rajonal të Shkodrës për ndihmë të parë. Për shkak të nevojës për trajtim më të specializuar, pacienti u transportua më pas në Spitalin e Traumës në Tiranë. Policia ka nisur hetimet për të sqaruar rrethanat e ngjarjes dhe po vijon punën për zbardhjen e plotë të saj.